About Us

እንንቃ

እራሴን ጨምሮ አብዛኛው ክርስቲያን ህዝብ ለረጅም ዘመናት ተኝቷል። ይህን የተኛ ክርስቲያን ለማንቃት አንድ ሰው የማስጠንቀቂያ ደወል መደወል ያለበት ግዜው ነው። ዘመኑ አልቆ ተሟጧል። የዳንኤል ትንቢት በመጨረሻው ዘመን ይህን አይነት ማስጠንቀቂያ የሚሰጡ ሰዎች እንደሚኖሩ ይተነብያል: “አምላካቸውን የሚያውቁ ሕዝብ ይበረታሉ፥ ያደርጋሉም። በሕዝቡም መካከል ያሉ ጥበበኞች ብዙ ሰዎችን ያስተምራሉ፤” (ትንቢተ ዳንኤል 11:32–33)

ሁሉን ከእንቅልፉ የሚያነቃ እራሱ እግዚአብሄር ነው

ስራው በሙሉ የእርሱ ነው። ማንም በራሱ ተነሳሽነት ለወገኔ እጠቅማለሁ ብሎ የሚፈይደው ሰማያዊ ቁም ነገር የለም። ህዝብ እንዳይጠፋ በበጎ ፈቃዱ ወዶ ነቢያት ያስነሳል፤ መንጋ መርዝ በልቶ እንዳያልቅ እረኞች ይሰጣል፤ የበግ ለምድ የለበሱ ተኩላዎች ሲሳይ እንዳይሆን አስተማሪዎች ይልካል፤ ክፉ በሆነው በዚህ በመጨረሻው ዘመን አሳችና ገዳይ ነፋስ ተጠራርጎ እንዳይወሰድ አስጠንቃቂ ጉበኞች ያቆማል። ሁሉ በእርሱ፣ ከእርሱና ለእርሱ ነው፤ አሜን። 

ስለ እራሴ

እኔ ስለራሴ እንድናገር ከተፈቀደልኝ አንድ ያደረኩት ነገር ቢኖር በተቻለኝ አቅም ግብዝ አለመሆን ብቻ ነው፤ ‘የዝሆን ጆሮ ይስጠኝ’ አላልኩም። ሰዎች አንድ ሲደመር አንድ ውጤቱ ሁለት መሆኑን ለመናገር ሲቸገሩ ላየ ለእኔ አይነቱ ተብታባ እንኳ ዝም ማለት አዳጋች ነው። 


ሳምሶን ንጉሴ ወ/ሚካኤል (ጸሃፊው)